आर्टिस्ट कट्टा – व्हिन्सेंट व्हॅन गॉ

व्हिन्सेंट व्हॅन गॉ हा डच चित्रकार. फक्त ३७ वर्षांच्या आयुष्यात त्याने भरभरून चित्रं काढली. त्याची २१०० चित्रं अभ्यासकांना माहित आहेत. समोर दिसणाऱ्या प्रत्येक गोष्टीचं, माणसाचं तो त्याच्या खास शैलीत चित्र काढत असे. रंग लावताना सरळ, गुळगुळीत न लावता, ब्रशने रेघारेघा काढून तो चित्र रंगवत असे.

व्हॅन गॉने  आयुष्यभर मनापासून भरपूर चित्रं काढली. पण त्याच्या मृत्यूनंतर तो खूप जास्त फेमस झाला. असं पुहा कुठल्याही चित्रकाराचं होऊ नये, म्हणून आपण चित्रं समजून घेतली पाहिजेत. चित्रांचं मोल आपल्याला कळलं पाहिजे.

चित्रकार आपल्यापर्यंत उशिरा पोहोचतात. चित्रांचा मेंदूवर खोल परिणाम होतो. ती भावनेच्या पलीकडे असतात. अगदी लहान वयापासून मुलांना आपण चित्रं आणि चित्रकार भेटवायला हवेत. आयुष्यभर त्याचा खूप जास्त प्रभाव जाणवत राहील. त्यासाठीच ‘आर्टिस्ट कट्टा’ हे सदर सुरु केलं आहे.

व्हॅन गॉची चित्रं मुलांबरोबर तुम्हीही पहा, त्याचा आनंद घ्या. चित्रांवरून मुलांशी गप्पा मारतां येतील.

व्हॅन गॉ च्या चित्रांवरून प्रेरणा घेऊन मुलांबरोबर एखादं चित्रं आपणही काढून बघूया. प्रत्येक मुलं चित्रं काढेलच असं नाही पण चित्रं पाहून, त्याविषयी गप्पा मारून मूल नक्कीच समृद्ध होईल.