चिकूपिकू – ऑडिओ स्टोरीज | Marathi Audio Stories for Kids

Listen to the Marathi audio stories from the ChikuPiku August Ank 2022. चिकूपिकू ऑगस्ट अंक २०२२ (सण स्पेशल थीम)

चिकू पिकूचा हा तिसरा वाढदिवस स्पेशल अंक. चिकू पिकू अजून एका वर्षाने मोठे झाले. खरं सांगायचं तर आपल्या सगळ्या बच्चे कंपनी नेच त्यांना मोठं केलं. या अंकापासून काही नवे बदल केले आहेत. एक वर्षाच्या छोट्यांनाही आवडेल आणि आठव्या – नवव्या वर्षापर्यंत ही आवडेल अशी भरपूर मज्जा अंकात असणार आहे. वाढदिवस स्पेशल गाणी, गोष्टी, ऍक्टिव्हिटीज मुलांना आवडतील. अंकासोबत चिकूचा मुखवटा आणि हातानी करून बघायचं एक छोटं पझलसुद्धा दिलं आहे.

आपण मोठी माणसं खूप कमी वेळा आश्चर्यचकित होतो. कारण प्रत्येक गोष्टीमागचं लॉजिक आपल्या डोक्यात पक्कं असतं. मुलांचं तसं नसतं, त्यांना अनेक गोष्टी आश्चर्यकारक वाटतात. ‘तुला एक गंमत दाखवू?’ असं म्हटलं की त्यांचे डोळे चमकतात. छोटासा किडा, रंगीत कागद, कोडं, छानसं चित्र, ढगांचे आकार अश्या छोट्या-छोटया गोष्टींची गंमत त्यांना वाटते. चिकूपिकूच्या या जून अंकातून ही मजा पोहोचवण्याचा प्रयत्न करत आहोत.
अंकात वेगवेगळ्या शैलीतली चित्रं आहेत. मुलांशी चित्रांविषयी गप्पा मारता येतील. एकत्र मिळून नवीन गोष्टी, गाणी तयार करता येतील.

माऊ गेल्यावर मनूला खूप प्रश्न पडले
माऊ कुठे गेला? पण तोच का गेला?
माऊशिवाय आपण कसं राहायचं?
पण तो कधीतरी तर परत येईल ना?
कधी मनू खूप रडली, कधी ‘नाही-नको’ च्या सूचनांना घाबरली.
कुटुंबाच्या पलीकडची वेगळी कुटुंबं तिनं पाहिली.
आपले जिवलग आपल्यापासून दूर गेल्यानंतर त्या दुःखातून कसं सावरायचं आणि आपला आनंद कसा शोधायचा हे मनू हळूहळू शिकली.
अनेक विषय मुलांशी बोलणं आपण टाळतो. एखाद्या व्यक्तीचं/प्राण्याचं अचानक जाणं… एकटेपणा, भीती यातून मार्ग काढणं … मुलांसाठी आणि मोठ्यांसाठी अशा वेगळ्या गोष्टींचं दार उघडणारं पुस्तक !

चिकूपिकूचा हा अंक आहे – हसण्यावर. आपण हसतो तेव्हा सगळ्या शरीराला आनंदाची अनुभूती होते. म्हणूनच मुलं आनंद झाला की उड्या मारतात. टाळ्या वाजवतात. नाचतात. घरभर फिरतात.

या अंकात गोष्टी, सोपे विनोद आहेत. ते आपण मुलांना सांगितल्यावर त्यांनी दुसऱ्यांना सांगावेत, हे तुम्ही नक्की त्यांना सांगा. लगेच नाही, पण हळूहळू हे कौशल्य विकसित होईल. दुसऱ्यांना हसवण्यात पण मज्जा असते, त्यात आपल्यालाही गंमत वाटते. हे त्यांना कळेल.

मुलांनीच नाही, तर आपणही आनंदात राहायला पाहिजे. हसायला पाहिजे. असं म्हणतात की लहानपणी मुलं खूप हसतात. मोठेपणी मात्र हसणं कमी होतं. हसणं कमी झालं की शरीरात कुठे कुठे साचलेले आजार डोकं वर काढायला लागतात. म्हणून या अंकातून हा छोटासा हास्ययोग घेऊन येत आहोत.
म्हणतात ना Smile is free therapy!

चिकू पिकूचा हा तिसरा वाढदिवस स्पेशल अंक. चिकू पिकू अजून एका वर्षाने मोठे झाले. खरं सांगायचं तर आपल्या सगळ्या बच्चे कंपनी नेच त्यांना मोठं केलं. या अंकापासून काही नवे बदल केले आहेत. एक वर्षाच्या छोट्यांनाही आवडेल आणि आठव्या – नवव्या वर्षापर्यंत ही आवडेल अशी भरपूर मज्जा अंकात असणार आहे. वाढदिवस स्पेशल गाणी, गोष्टी, ऍक्टिव्हिटीज मुलांना आवडतील. अंकासोबत चिकूचा मुखवटा आणि हातानी करून बघायचं एक छोटं पझलसुद्धा दिलं आहे.

कुटुंब म्हटल्यावर एकमेकांची काळजी घेणं, मदत करणं, प्रेम व्यक्त करणं, एकत्र मिळून काम करणं हे मुद्दे गोष्टी, गाणी, आणि ऍक्टिव्हिटीज मधून मुलांपर्यंत पोहोचवण्याचा प्रयत्न या अंकातून करत आहोत.

ही पृथ्वी म्हणजे माझं मोठ्ठ कुटुंब आहे. तिच्यावर नांदणाऱ्या सगळ्या गोष्टी माझ्या आहेत. ही भावना मुलांपर्यंत पोहोचवण्यासाठी ‘वसुधैव कुटुंबकम’ हा खास भारतीय विचार कव्हर थीममधून मांडला आहे.

आपण जितक्या सहजपणाने चालतो, तितक्याच सहजपणाने पक्षी फक्त आपले दोन पंख पसरवतात आणि आकाशात गोल गिरक्या मारतात. या उडणाऱ्या पक्ष्यांना चिकूपिकूच्या डिसेंबर अंकाने यावेळेला आपल्या जवळ आणलं आहे. पक्षी खरे कसे असतात, त्यांचं जग कसं असतं? मुलांच्या मनात पक्षांविषयीचं नवं कुतूहल तयार होईल. पक्ष्याच्या गोष्टी, पक्ष्यांची गाणी ,पक्ष्यांची चित्रं हे सगळं करून – बघून – ऐकून मुलांना नक्की छान वाटेल. गॅजेट्सच्या दुनियेत हरवून जाऊ नये म्हणून आपल्या मुलांना निसर्गाची जाणीव करून देण्याचा हा एक छोटासा प्रयत्न या निमित्ताने केला आहे.

गोलू त्याच्या आई बाबांबरोबर आणि बाकीच्या मुग्यांबरोबर एका वारुळात राहतो. वारुळाच्या शेजारी ढोलू राक्षसाचा महाल आहे. रोज गोलूचे बाबा इतर मुंग्यांबरोबर ढोलू राक्षसाच्या महालात शिरून हळूच खाऊ घेऊन येतात. गोलूलासुद्धा बाबांबरोबर ढोलू राक्षसाच्या महालात जायचंय. गोलू बाबासोबत महालात गेल्यावर नक्की काय बरं घडलं असेल?
छान रंगीत चित्रं असलेली ही मजेशीर गोष्ट मुलांबरोबर वाचायला नक्की मज्जा येईल.

मोठ्यांसाठी बरेच दिवाळी अंक असतात पण खास छोट्या मुलांना विचारात घेऊन चिकूपिकूचा हा दिवाळी अंक तयार केला आहे. सोप्या भाषेतल्या गोष्टी, गाणी, चित्रं, हटके ऍक्टिव्हिटीज असलेला हा अंक मुलं आणि आई-बाबा एकत्र वाचू शकतील.

मुलांना आणि आईबाबांना आवडलेला चिकूपिकूचा हा पूर्वी प्रकाशित झालेला अंक ‘बाप्पा स्पेशल पॅक’ मधून पुन्हा तुमच्या भेटीला येत आहे !
अंकातल्या गणपतीविषयीच्या गमती-जमती आणि धमाल चित्रं मुलांना नक्की आवडतील. त्याचबरोबर पावसाळा या थीमवरच्या वेगळ्या गोष्टी, कविता आणि ऍक्टिव्हिटीजसुद्धा अंकात आहेत. अंकामध्ये ‘पंख फडफडणारे फुलपाखरू’ हे ऍक्टिव्हिटी शीट फ्री देत आहोत.
या बाप्पा स्पेशल पॅकमध्ये असलेला गणपती बाप्पाचा बॅज मुलं आवडीने वापरतील.

“Coming together” ही या अंकाची थीम आहे. गेलं एक-दीड वर्ष आपण घरातून फारसे बाहेर पडत नाही आहोत. पण काही निमित्ताने भेटलो की एकत्र येऊन छान वाटतं. सगळे मिळून केलेली मजा, मस्ती, गप्पा, शेयरिंग आणि एकमेकांशी जुळवून घेणं हे अनुभव चिमुरड्यांसाठी महत्त्वाचे आहेत.

याच थीमवर आधारित अंकाचं कव्हरसुद्धा जरा हटके केलेलं आहे. कापडाचे अनेक छोटे-छोटे तुकडे एकत्र येऊन तयार केलेल्या गोधडीच्या चित्रात मुलं आणि आई-बाबा नक्की रमतील. अंकातल्या गोष्टी आणि गाण्यांमधून एकत्र मिळून केलेली धमाल मुलांना अनुभवता येईल. अंकासोबत पिकू पक्ष्याचं एक क्राफ्ट शीटसुद्धा दिलेले आहे. कातरकाम, चिकटकाम, चित्र रंगवणे या सगळ्या गोष्टी आपणसुद्धा मुलांबरोबर आवडीने करून बघू या!