चित्र काढणे ही प्रत्येक लहान मुलाची पहिली अभिव्यक्ती असते. हातात ठेवलेल्या पेन्सिल,पेन, क्रेयॉन्स अशा कोणत्याही वस्तूने दिसेल तिथे अगदी भिंतीवरही रेघोट्यांची चित्रे उमटू लागतात. म्हणूनच रंगीबेरंगी चित्राच्या गोष्टीही मुलांना चटकन आपल्याशा वाटतात. यासाठी आभा भागवत चिकूपिकूमध्ये ‘चिमणी चित्र’ या सदरांतर्गत चित्रातील वैविध्य वापरून मुलांसाठी दर महिन्यात काही रंजक अॅक्टिविटीज घेऊन यात आहेत.

आभा भागवत या चित्रकार असून त्यांनी आनंदवनातही तेथील रहिवाशांच्या मदतीने चित्रकला साकारली आहे. मोठमोठी वॉलपेंटिंग्ज काढण्यासाठी त्या सुप्रसिद्ध आहेत. आतापर्यंत त्यांनी जवळपास दीडशे वॉलपेंटिंग्ज काढली आहेत आणि ही सर्व चित्रे त्यांनी वेगवेगळ्या गटाबरोबर काढली आहेत. लहान मुलांना बरोबर घेऊन काम करण्यात त्यांचा हातखंडा आहे. बालभारतीच्या पुस्तकाची मुखपृष्ठेही त्यांनीच तयार केली आहेत.

’चिमणी चित्र’ मधील उपक्रमांमध्ये मुलांबरोबर सहभागी होऊन आपणही चिकूपिकूसह चित्रमय सफरीवर जाऊयात.