Best Marathi Storybooks for Children

लहानपणीच पुस्तकांशी मैत्री व्हावी, वाचनाची आणि मराठीची गोडी लागावी, स्क्रीन-टाईम कमी व्हावा, मुलांपर्यंत छान मराठी गोष्टी, गाणी पोहोचावीत, आई-बाबा आणि मुलं यांना एकत्र करता येतील अश्या ऍक्टिव्हिटीज त्यांच्यापर्यंत पोहोचाव्या अशी चिकूपिकूची उद्दिष्टं आहेत. बहुरंगी बुद्धिमत्ता म्हणजेच multiple intelligences या थिअरीवर आधारित प्रत्येक पुस्तकाची आखणी केलेली असते त्यामुळे मुलांना मराठीमध्ये सोप्या आणि मजा येईल अश्या गोष्टींतून, ऍक्टिव्हिटीजमधून खूप वेगवेगळ्या विषयांची ओळख होते, विचारक्षमतेला चालना मिळते. भरपूर रंगीत चित्रं असलेलं प्रत्येक पान, ऑडिओ स्वरूपातील गोष्टीही उपलब्ध आणि पालकांसाठी खास लिहिलेलं डॉ. श्रुती पानसे यांचं संपादकीय ह्यासुद्धा मासिकाच्या जमेच्या बाजू !

Why Choose ChikuPiku Storybook

The goal of ChikuPiku is to weave happy and healthy life experiences for early childhood that would support brain development. ChikuPiku is crafted to facilitate brain-focused learning and give exposure to multiple intelligences.

 ChikuPiku Storybook with Audio Stories

मुलांना गोष्टी ऐकायला खूप आवडतात. गोष्टींचे व्हिडिओ दाखवण्यापेक्षा स्क्रीनटाईम न वाढवता मुलांना ऑडिओ स्टोरीज ऐकू द्या. चिकूपिकूच्या गोष्टी ऐकताना हातात पुस्तक धरून चित्रं बघत गोष्टी ऐकल्या की मुलांना मजाही येईल आणि गोष्टी पटकन समजतीलसुद्धा!

१ ते ८ या वयोगटात मेंदूचा शिकण्याचा वेग प्रचंड असतो. तेंव्हा मुलांना जास्तीत जास्त नवनवीन अनुभव देणं, गोष्टी सांगणं हे खूप गरजेचं असतं. पण रोज मुलांना कोणत्या गोष्टी सांगायच्या? काय खेळ खेळायचे? कोणत्या ऍक्टिव्हिटीज करायच्या? हे बऱ्याच आई-बाबांना माहित नसतं. इच्छा खूप असते पण आयत्या वेळी नक्की काय करायचं हे सुचत नाही. हे मुद्दे लक्षात घेऊन आम्ही छोट्या मुलांसाठी आणि त्यांच्या आईबाबांसाठी चिकूपिकू हा प्लॅटफॉर्म सुरु केला ज्यामार्फत चिकूपिकूचे अंक दर महिन्याला मुलांसाठी गोष्टी, चित्रं, गाणी, हातांनी करून बघायच्या सोप्या ऍक्टिव्हिटीज घेऊन पोहोचतात.

जेवताना, झोपताना या गोष्टी मुलं आई-बाबा, आजी-आबांकडून ऐकतात. त्यानिमित्तानं आई-बाबा आणि मुलं एकत्र वेळ घालवतात. अक्षरओळख, निसर्गातल्या गमती जमती, शास्त्रज्ञांच्या गोष्टी, गाणी, कोडी, चित्रांच्या अभिनव कल्पना यांनी भरगच्च अशी ही पुस्तकं मुलांची अगदी घट्ट दोस्त होऊन जातात हा आत्तापर्यंतचा अनुभव आहे! गरवारे बालभवनच्या संचालिका शोभा भागवत, बालमानसतज्ज्ञ डॉ. श्रुती पानसे, पद्मश्री अरविंद गुप्ता यांसारख्या मार्गदर्शक सल्लागारांकडून चिकूपिकूला नेहेमीच उत्तम दिशा मिळत आलेली आहे.