चिकूपिकू ऑगस्ट अंक २०२२

चिकूपिकू ऑगस्ट अंक २०२२

या ऑगस्ट अंकाची थीम आहे ‘सण’.

मराठी महिन्यातील श्रावणात वेगवेगळे सण आपण साजरे करतो. वातावरणातील बदलांनुसार आपले हे सर्व सण निसर्गाशी जोडलेले आहेत. श्रावणातील हे सण साजरे करताना उकडलेली दिंड, नारळीभात, दहीकाला हे पचायला हलके पण चविष्ट पदार्थ आपण खातो. निसर्ग, प्राणी, झाडं, पाऊस, पाणी, मनुष्य या सगळ्यांबद्दल प्रेम, आपुलकी, बंधुता आणि कृतज्ञाता हे सण आपल्याला शिकवत असतात. निसर्ग आपल्याला भरभरून देतो, आपणही या सणांच्या माध्यमातून त्याला काहीतरी देण्याचा प्रयत्न करू या.
प्रत्येक सणामागचा उद्देश स्वतः समजून घेतला तर ते मुलांपर्यंत पोहचवणं अगदी सोपं होईल. चिकूपिकूच्या या अंकातून सणासुदीची ही मजा सगळ्यांपर्यंत पोहोचवण्याचा प्रयत्न करत आहोत.