१ ते ८ मधल्या मुलांच्या मेंदूच्या वाढीसाठी नवनवीन अनुभव देणारी पुस्तकं म्हणजे चिकूपिकू! यामध्ये आहेत धम्माल मराठी गोष्टी, भरपूर ऍक्टिव्हिटीज, गाणी, कोडी आणि प्रत्येक पानावर सुंदर रंगीत चित्रंसुद्धा. मुलांमधल्या बुद्धिमत्तेच्या वेगवेगळ्या पैलूंना चालना मिळावी, आजूबाजूचं जग समजून घेणं त्यांना सोपं जावं, गोष्टींच्या जगामधून भरपूर नवीन माहिती आणि अनुभव त्यांच्यापर्यंत पोहोचावेत अशी प्रत्येक पुस्तकाची रचना असते. वाचताही येत नाही इतक्या छोट्या मुलांनाही गोष्टी तर हव्याच असतात. आई-बाबा, आज्जी-आजोबा मुलांना गोष्टी वाचून दाखवतात, हातांनी करण्याच्या ऍक्टिव्हिटीज त्यांच्याबरोबर पूर्ण करतात तेंव्हा मुलांच्या बौद्धिक आणि भावनिक वाढीसाठी पोषक वातावरण आपोआपच तयार होतं.