चिकूपिकू हे १ ते १० वयोगटातल्या मुलांचं पहिलंच मराठी मासिक आहे. या वयात मुलांच्या मेंदूच्या शिकण्याचा वेग अफलातून असतो. हे पहिलंवहिलं शिक्षण मातृभाषेतच सुरु होतं. झाडं, प्राणी-पक्षी, कला, संस्कृती, विज्ञान अशा अनेक विषयांचा खाऊ दर महिन्याला चिकूपिकू घेऊन येतो. मुलांचा मेंदू हे सगळं झटकन शोषून घेतो. मुलं विचार करायला लागतात, प्रश्न विचारतात, नव्या कल्पना सुचतात. शाळेचं माध्यम कुठलंही असू दे पण लहानपणीचं हे सहज शिक्षण आपल्या मातृभाषेत अगदी आनंदाने होऊ शकतं.