सबस्क्रिप्शन म्हणजेच वार्षिक वर्गणी. सबस्क्रिप्शन मध्ये ऑक्टोबर-नोव्हेंबरचा मिळून मोठा दिवाळी विशेषांक असतो आणि एप्रिल – मे मिळून मोठा सुट्टी विशेषांक असतो. बाकीच्या महिन्यांचे प्रत्येकी एक असे एकूण १० अंक मिळतील. प्रत्येक अंकातल्या गोष्टी या ऑडिओ स्टोरी स्वरूपात वेबसाईटवर उपलब्ध असतात. त्याशिवाय पालकांना आवडतील असे ब्लॉग, मुलांसाठी काही व्हिडिओ स्वरूपातील ऍक्टिव्हिटीज या फेसबुक, व्हाट्सअँप, यु-ट्यूबच्या माध्यमातून वेळोवेळी तुमच्यापर्यंत पोहोचवल्या जातील.
टीप – वार्षिक वर्गणीमध्ये डिलीव्हरी चार्जेससुद्धा समाविष्ट आहेत. एक अंक पाठवण्यासाठी साधारण रु. 25 ते 30 चार्जेस लागतात. म्हणजेच वर्षाचे एकूण 10 अंक पाठवण्यासाठी पत्त्यानुसार रु. 250 ते 300 वितरण शुल्क लागते जे या सबस्क्रिप्शनमध्ये समाविष्ट आहे.* *जर काही कारणाने अंक परत आला (डिलिव्हरीच्या वेळी घरी कोणीच उपलब्ध नसेल, पत्ता बदलला असेल इत्यादी ) आणि आम्हाला अंक पुन्हा पाठवावा लागला तर त्याचे जास्तीचे ₹20 आकारले जातील.

मातृभाषा ही मुलाची पहिली भाषा असते. आई ज्या भाषेत बोलते ती भाषा आईच्या पोटात असल्यापासून मूल ऐकत असतं. ही भाषा त्याला जवळची असते, मातृभाषेत त्याला गोष्टींचं आकलन नीट होतं. हेच लक्षात घेऊन चिकूपिकू मासिकातला ८०% मजकूर मराठी भाषेत आहे. तसेच सोप्या इंग्रजी भाषेत एखादी गोष्ट/कविता आणि ऍक्टिव्हिटीज अंकात असतात.

८ ते ९ महिन्याच्या बाळालासुद्धा गोष्टी आवडतात. १ ते 3 वयोगटातील मुलांना जेवू घालताना, खेळवताना, झोपवताना, आई-बाबा, आजी-आजोबा चिकूपिकूचा उपयोग करू शकतील. ४ ते ५ वयोगटातील मुलांनासुद्धा गोष्टी वाचून दाखवायला लागतील. पण activities ही मुलं स्वतः करू शकतील. अक्षर ओळख असलेल्या ६ ते ८ वयोगटातील मुलं अंक स्वतः वाचू शकतील. पुष्कळदा मुलांना मोठ्या गोष्टी वाचायला आवडत नाहीत. चित्र रूपातल्या चिकूपिकू मासिकातील गोष्टी मुलं एन्जॉय करतील.

भारतात जिथे इंडियन पोस्ट पोहोचू शकते अश्या सर्व ठिकाणी आम्ही चिकूपिकू मासिक पाठवू शकतो. पुण्यातील ऑर्डर्स DTDC द्वारे आणि पुण्याबाहेरील ऑर्डर्स या रजिस्टर्ड इंडियन पोस्टाने पाठवल्या जातात.

चिकूपिकू मासिकाच्या उद्देशांपैकी काही म्हणजे मुलांचा स्क्रीन-टाइम कमी करणे, मुलांची पुस्तकांशी मैत्री करून देणे, वाचनाची आवड वाढवणे, हातांनी ऍक्टिव्हिटीज करण्यास, वस्तू -खेळणी बनविण्यास प्रोत्साहन देणे ही आहेत. त्यामुळे हे हातात धरून वाचता येईल, त्यावर चित्र काढता, रंगवता येतील असं खरंखुरं मासिक आहे. काही जुन्या अंकांच्या pdf आम्ही सोयीसाठी आणि मासिक कसं आहे याची कल्पना येण्यासाठी उपलब्ध करून दिल्या आहेत. त्या वेबसाईटवरच्या E-book विभागात बघता येतील.

मासिक साधारण पणे सबस्क्रिप्शन घेतल्या दिवसापासुन १५ ते २० दिवसात येते. आणि ज्यांनी आधीच सबस्क्रिप्शन घेते आहे त्याची मासिके दर महिन्याच्या १५ ते २० तारखे पर्यंत येतात.

सुरुवात	संपणार
पहिला अंक जानेवारीचा येणार	शेवटचा अंक डिसेंबरचा येणार
पहिला अंक फेब्रुवारीचा येणार	शेवटचा अंक जानेवारीचा येणार
पहिला अंक मार्चचा येणार	शेवटचा अंक फेब्रुवारीचा येणार
पहिला अंक एप्रिल - मे चा येणार	शेवटचा अंक मार्चचा येणार
पहिला अंक जूनचा येणार	शेवटचा अंक एप्रिल - मे चा येणार
पहिला अंक जुलैचा येणार	शेवटचा अंक जूनचा येणार
पहिला अंक ऑगस्टचा येणार	शेवटचा अंक जुलैचा येणार
पहिला अंक सप्टेंबरचा येणार	शेवटचा अंक ऑगस्टचा येणार
पहिला अंक ऑक्टोबर - नोव्हेंबरचा येणार	शेवटचा अंक सप्टेंबरचा येणार
पहिला अंक डिसेंबरचा येणार	शेवटचा अंक ऑक्टोबर - नोव्हेंबरचा येणार