QUEST ही संस्था मुलांना दर्जेदार शिक्षण मिळावं म्हणून 2007 पासून कार्यरत आहे. मुलांना वाचन-लेखनाची गोडी लागण्यासाठी पुस्तकं खूप महत्त्वाची असतात. क्वेस्टने मुद्दाम विचारपूर्वक 3 ते 8 वयोगटातल्या मुलांसाठी मराठी पुस्तकं प्रकाशित केली आहेत. काही गोष्टी आहेत, गाणी आहेत, काही पुस्तकं वर्णनात्मक आहेत. प्रत्येक पुस्तकात आकर्षक चित्रं आहेत. काही पुस्तकांत अगदी कमी मजकूर आहे – मुलांना अक्षरओळख होऊ लागली की ती स्वतःच वाचू लागतील. तुम्ही तुमच्या मुलांना ही पुस्तकं वाचून दाखवा आणि त्यांच्या सोबत मजेत वेळ घालवा.