“Coming together” ही या अंकाची थीम आहे. गेलं एक-दीड वर्ष आपण घरातून फारसे बाहेर पडत नाही आहोत. पण काही निमित्ताने भेटलो की एकत्र येऊन छान वाटतं. सगळे मिळून केलेली मजा, मस्ती, गप्पा, शेयरिंग आणि एकमेकांशी जुळवून घेणं हे अनुभव चिमुरड्यांसाठी महत्त्वाचे आहेत.
याच थीमवर आधारित अंकाचं कव्हरसुद्धा जरा हटके केलेलं आहे. कापडाचे अनेक छोटे-छोटे तुकडे एकत्र येऊन तयार केलेल्या गोधडीच्या चित्रात मुलं आणि आई-बाबा नक्की रमतील. अंकातल्या गोष्टी आणि गाण्यांमधून एकत्र मिळून केलेली धमाल मुलांना अनुभवता येईल. अंकासोबत पिकू पक्ष्याचं एक क्राफ्ट शीटसुद्धा दिलेले आहे. कातरकाम, चिकटकाम, चित्र रंगवणे या सगळ्या गोष्टी आपणसुद्धा मुलांबरोबर आवडीने करून बघू या!
चिकू-पिकू मासिकाच्या अंकांची मांडणी मुलं आणि आई-बाबा यांचा विचार करून केलेली आहे. टीव्ही, मोबाईलचा वापर कमी करून, मुलांना योग्य प्रकारे engage करण हा आमचा मुख्य उद्देश आहे. अंकातील गोष्टी मुलांना मोठ्याने वाचून दाखवूयात. मुलं गोष्टींमध्ये रमतात आणि आई-बाबांशी नव्याने जोडली जातात. मासिकातल्या activities मुलांसोबत आपणही करूयात.
नोट: चिकूपिकू मासिकाच्या वार्षिक वर्गणीमध्ये ( Yearly Subscription) सुट्टी विशेषांक आणि दिवाळी विशेषांक हे मोठे जोड-अंक समाविष्ट केलेले आहेत. त्यामुळे वर्गणीदारांनी दिवाळी विशेषांक स्वतंत्र विकत घेऊ नये.
| Age Group |
1+ |
|---|---|
| Language |
Marathi & English |
| ISSN |
RNI TC No. MAHBIL10083 |
| No. of Pages |
36 |
| Binding |
Paperback |
