इको-फ्रेंडली होळी साजरी कशी करायची?

“आजोबा, काय करताय तुम्ही?”
“चिनूबाई आलात का शाळेतून, अगं आता होळी नाही का? ती पेटवण्यासाठी पालापाचोळा एकत्र करतोय.”
“अरे हो. आज आम्हाला पण शाळेत टिचरनी होळीची माहिती दिली आणि गोष्टसुद्धा सांगितली.”
“व्वा व्वा!! रोज मी तुला गोष्ट सांगतो, आज तू मला सांग. पण त्या आधी जेवून घे.”

जेवण झालं आणि चिनूने आजोबांना होळीची गोष्ट सांगितली. हिरण्यकश्यपूचा मुलगा प्रह्लाद हा विष्णूभक्त होता. हिरण्यकश्यपूला अमरत्वाचे वरदान मिळालेले असल्याने त्याला गर्व चढला होता, तो उन्मत्त झाला होता. प्रल्हादाने विष्णूचे नाव घेतलेलेसुद्धा त्याला आवडत नसे. त्याला शिक्षा द्यायला हिरण्यकश्यपूने त्याच्या बहिणीला होलिका हिला बोलावले. होलिका कधी अग्नीने जळू शकत नाही असा तिलाही वर मिळालेला होता. होलिकेने प्रह्लादाला मांडीवर घेतले आणि जाळून टाकण्याचा प्रयत्न केला पण विष्णूच्या कृपेने प्रह्लाद वाचला आणि स्वतः होलिकाच जळून गेली आणि म्हणून आपण दुष्टपणा जळून जावो या भावनेने होळी साजरी करतो.”